Mannasinie vihkele maanagïerte jïh eejhtegh hijvenlaakan laavenjostoeh? Laavenjostoe eejhtegi jïh maanaj gaskem lea vihkele guktie maana aarkebiejjiem maanagïertesne dååjroe. Dotkeme vuesehte dan buerebe tsiehkie lea barkiji jïh eejhtegi gaskem lea, dan buerebe relasjovne sjædta barkiji jïh maanan gaskem sjædta. Men mij raaktan hijven laavenjostoe lea jïh maam eejhtegh maehtieh maanagïerten aarkebeajjan vedtedh? Mij hijven laavenjostoe dutnjien? Eejhtegh doh vihkielommes almetjh dovne maanan jieliedisnie jïh goh laavenjostoeguejmie maanagïertese. Maana sov eejhtegi reaksjovnese vuartesje mejtie edtja orre almetjh jååhkesjidh, gosse eejhtegh jïh maanagïerten barkijh hijven ektesne utnieh, dellie maana dam vihtiestimmine dååjroe maanagïerte lea jearsoe jïh hijven sijjie – laavenjostoe maanan buaratjommesasse! Eejhtegelaavenjostoe mij hijvenlaakan jåhta lea vihkele eaktoe kvaliteetese maanagïertesne. 2 Laavenjostoe hïejmen jïh maanagïerten gaskem Laakh Laake maanagïerti bïjre jïh mieriedimmie Mieriesoejkesje maanagïerten sisvegasse jïh laavenjasside såemies njoelkedassh laavenjostose vedtieh hïejmen jïh maanagïerten gaskem. Desnie tjåådtje: «maanagïerte edtja laavenjostosne jïh goerkesinie hïejmine maanan daerpiesvoeth gorredidh hoksese jïh stååkedæmman, jïh lïeremem jïh skearkagimmiem eevtjedh goh våarome gellielaaketje evtiedæmman, v. maanagïertelaakine § 1. Laavenjostoe hïejmen jïh maanagïerten gaskem edtjieh iktesth maanan buaratjommesasse ulmine utnedh. Eejhtegh jïh maanagïerten barkijh ektie dïedtem utnieh maanan tryjjen jïh evtiedimmien åvteste.» Daate sæjhta jiehtedh maanagïerte tjuara eejhtegidie nuepiem vedtedh meatan årrodh jïh baajnehtidh. Eejhtegh edtjieh hijven bïevnesh åadtjodh pedagogeles faalenassen bïjre. Seamma tïjjen vihkele dah meatan jïh pryöjjadieh dan ållesth maanagïertefaalenassen bïjre. Hijven dialoge lea dagke dïhte vihkielommes tjoevtenje jis edtja lyhkesidh. Uvtemes dïhte biejjieladtje gaskese mij kvaliteetem eevtjie fïereguhten maanese. Dåastode sinsitniem ræhpasvoetine jïh seahkarimmine gaskemsh. Edtja sijjie årrodh konstruktijve bïevnesh bååstede åadtjodh. Maanagïerte ij maehtieh gaajhkh sjaavnjoeh jïh daerpiesvoeth illedh, men edtja goltelidh jïh hoksedh eejhtegh hijven tjïelkestimmieh åadtjoeh sijjen dåajvoej bïjre. Hijven laavenjostoe hïejmen jïh maanagïerten gaskem aktem goerkesem gaskemsh våaroeminie åtna ihke gåabpegh guejmieh dovne daajroem jïh dååjrehtimmieh utnieh mah maehtieh viehkine årrodh barkosne maanine. Mieriesoejkesjisnie tjåådtje eejhtegh dah mah dïedtem utnieh maanan bijjiedimmien åvteste. Vihkele mujhtedh jalhts maana leah profesjonelle geerve almetjh sov bïjre åtna, dellie annje eejhtegh jïjtjh mah maanam bööremeslaakan demtieh jïh leah eksperth jïjtsh maanan bïjre. Laavenjostoe hïejmen jïh maanagïerten gaskem 3
Last ned PDF-fil