Maana jïh tsælloe Irhkeme maanagïertesne gellielaakan sjugniehtåvva, gaskem jeatjah maanah plaakenieh jallh ålkolen hööltesuvvieh stååkedimmeste bielelen geerve almetjh leah meatan. Gosse maanah irhkesuvvieh aktem hijven ektievoetem, stååkedimmiem jïh lieremem dessieh. Dotkemereektehtse Hele barnet, hele løpet; Mobbing i barnehagen (Lund, j,j 2015), vuesehte dovne maanah, barkijh jïh eejhtegh vienhtieh irhkeme maanagïertesne gååvnese. Reektehtse vihteste stååkedimmie jïh vienevoete leah dïhte ellen vihkielommes maanide maanagïertesne, jïh gihtjehtim- mine maanajgujmie våajnoes sjædta guktie maanah vienevoetem dååjroeh jïh guktie meatan vaaltasuvvieh stååkedimmesne leah dïhte eevre vihkielommes jis edtjieh maan- agïertesne tråjjadidh. Geerve almetji baelie jïh eadtjohkevoete maanaj stååkedimmesne lea dan åvteste eevre daerpies. Dotkemereektehtsisnie irhkemem numhtie tjielkeste: ”Irhkeme maanijste maan- agïertesne lea dahkoeh geerve almetjijstie jïh/jallh jeatjah maanijste mah maanaj dååjre- sem narrahtieh govlesovvedh, jih vihkeles almetjinie årrodh ektievoetese.”
Last ned PDF-fil