Mánná lij givsedibme Givsedibme mánájgárden dáhpáduvvá moatte láhkáj, duola degu gå máná vájveduvvi jali ålgus stieggiduvvi ståhkusis gå ållessjattuga ælla dåppe. Gå máná givseduvvi de massi soapptsomav, ståhkamav ja oahppamav. Dutkamrapårttå Hele barnet, hele løpet; Mobbing i barnehagen(Lund, m.fl.2015), vuoset sihke máná, bargge ja ållessjattuga miejnniji mánájgárden gávnnu givsedibme. Rapårttå duodas ståhkam ja ráddnavuohta la ållu ájnnasamos mánájda mánájgárden, ja gå mánájt ságájdahttá de åvddån boahtá ahte ráddnavuohta ja ståhkusij sebradahteduvvat la ållu ájnas sijá soapptsomij mánájgárden. Danen la ållu dárbulasj jut ållessjattuga li dåppe ja berusti gå máná ståhki. Dát vuoset gájka ållessjattugij duogen la gáhttit váj máná e ålgoduvá. Dutkamrapårtån definieriduvvá givsedibme návti: ”Givsedibme mánájgárden li ållessjattugij ja/jali ietjá mánáj dago ma mieddi mánáj vásádusáv aktijvuohtaj gullut ja liehket árvulasj.”

Mánájgárdde galggá viehkken máná soappt- somij, iellemávvuj, rijbbamij ja ietjas árvo dåbdduj, ja hieredit mættojt ja givsedimev. Viek ájnas la jut æjgáda ja bargge ságasti ja aktan barggi váj givsedimev ja mættojt ganugahttá, ja jut dagáduvvá pládna gåktu máhttá givsedimev hieredit, ájttsat ja ganu- gahttet. MÆN berus suv vásádusás gut givseduvvá ja jut mánáj vásádusá ja dåbdo duodaj válde- duvvi. Barggo givsedime vuosstij hæhttu liehket tiebmá mij gullu juohkka ássjáj máná- jgárde árggabiejven. Mánájgárden biejaduvvá vuodo boahtte jagij skåv- llåvádtsemij ja virggeiellemij. Danen galggá givsedime hieredibme árrat álgget váj máná åttjudi buorre guottojt ja aktan doajmmi sihke dálla ja dáppe ja ma ŋŋ ela iellemin. MÆN la oassen Partnerskap Mot Mobbing. .váj jådediddje ja mánájgárde oadtju máhtudagájt ja máhtojt.